Бейімбет Майлин
Бейімбет Майлин
«Бейімбет Майлин есімі аса талантты, соншалық мол дарын дарыған адамдардың шоқ жұлдыздай жарқыраған тобында тұр. Майлин – қазақ жазушыларының арасындағы алғашқы журналист, әдебиеттің осы бір айырықша жауапты және қызулы жанрына бірінші болып жол салған кісі. Және де Майлин творчествосындағы осы екі бағыт – көркем проза иен журналистика біріне-бірі сіңісіп кетпей, әрқайсысы өзінше дамиды, өзіне тән табиғи жолмен шымырлана түседі. Майлиннің ілуде бір адамда ғана боларлық еңбекқорлығы мен іске қабілеттілігі тұстастарын таң-тамаша қалдыратын. Талантпен тізе қосқан еңбек аумағы мол, маңызы баға жетпес қымбат көркем мұраны бізге сый етті. Майлиннің қаламгерлік қызметіндегі тағы бір тамаша өзгешелікті таңдана айтпай тұра алмаймын. Бұл – оның әдебиеттегі ұстаздық және тәрбиешілік рөлі мен орны жайында. Көркем сөздің көп қырлы зергері, ғажайып стилист болған ол өзінің тәрбиешілік табиғатына тән қамқорлығымен әдебиеттің жас күштерін көркемдік шеберлікке баулып, шыңдайтындай еді». Сәбит Мұқанов, жазушы
- Аудиокітаптар
- Кітаптар
