«Азамат Азаматыч» – Бейімбет Майлиннің 1935 жылы жарық көрген романы. Орысшаға «Дочь казаха» деген атпен аударылды. «Азамат Азаматыч» романының тақырыбы – қазақ кедейлері қатарынан оқыған, интеллигенция өкілдерінің шығу жолы. Бас кейіпкер саяси қоғамдық жұмыстардың, жанұялық өмірдің, адал азаматтар мен жасырынған тап дұшпандарының арасындағы қарым-қатынастың неше түрлі сынынан өтіп, осы талас-тартыста өз мінез-құлқын қалыптастырады. Ақыры жаулар әрекеті әшкереленіп, Азамат халық жағында қалады.