Бейімбет Майлин шығармалары бүкпесіз, шынайы қалпында елестейді. Оның туындыларында өмірден алынған іс-әрекеттер, адам мінездері сөйлейді. Суреткердің өмір диалектикасына толы туындылары Қазақстанда социалистік құрылыстың қандай қиындықтарды бастан кешіргенінен мол әрі анық дерек береді. Оның суреткерлік қуаты «Даудың басы – Дайрабайдың көк сиыры» әңгімесінде айрықша аңғарылады.