Бейімбет Майлин  проза жанрындағы тұңғыш туындысы – «Шұғаның белгісі» хикаятын жиырма жасқа толар-толмаста «Садақ» атты қолжазба журналда жариялайды. Хикаятта ескі қазақ қоғамындағы кезекті мәселе – әйел теңсіздігі, бірін-бірі сүйген жастардың махаббат бостандығы әңгіме болады. Әлеуметтік теңсіздік кедергі болып, армандарына жете алмаған байдың қызы – аяулы Шұға сұлу мен кедейден шыққан мақтаулы, оқыған жігіт Әбдірахманның қайғылы тағдыры суреттелген.