Балтабай Сейтмамытұлы
Балтабай Сейтмамытұлы
«Өнер дегенді адам өмір бойы үйренуі керек. «Мен үйреніп болдым, бәріне жеттім, енді менен үйреніңдер!» деуге болмайды. Сенен үйренгісі келетін адам сұрамай-ақ өзі үйреніп алады. Ал үйренуге деген құштарлығы болмаса, не десең де үйренбейді, керісінше, саған күледі. Өнер деген сол, өмір бойы өзіңді-өзің дәлелдеп өтуің керек, актер болсаң, актерлығыңды, режиссер болсаң, режиссерлығыңды дәлелдейсің. Ол үшін өте көп оқуың керек. Ал мен кітапты көп оқыдым. Бала кезімнен кітапқа қызығушылығым ерекше болды. Адам бала кезінде бойына бәрін сіңіргіш келеді. Қандай кітап болса да оқи беретінмін, кейін талғаммен, таңдап оқитын болдым. Бала кезімде сүйіп оқыған жазушыларым Жюль Верн мен Джек Лондон болды. Кейіннен Александр Дюманың шығармаларын іздеп оқыдым. Ал қазақ әдебиетінің барлық жауһарларын оқу шарт деп білемін. Классик жазушылардың қай еңбегін алсаңыз да, оқуға тұрарлық, оқуға тиісті кітаптар деп санаймын. Іздеп жүріп оқыған, қатты есімде қалған кітап – Ілияс Есенберлиннің «Көшпенділері» екен. Қай заманның жасы болмасын, қай мамандықтың иесі болмасын қазақ классиктерінің кітаптарын оқығаннан ешқашан ұтылмақ, ешнәрсе жоғалтпақ емес».
- Аудиокітаптар
