Қыр әңгімелері

Мұхтар Әуезовтің «Қыр әңгімелері» шығармасы екі әңгімеден тұрады: «Сыбанның моласында» және «Текшенің бауырында». Қыр әңгiмелерi «Жаяусал» деген құпия атпен 1923 жылы «Шолпан» журналының 6, 7, 8-сандарында басылып шығады. Әр әңгімесі, шығыс мотивтеріне сай, әңгіменің ішіндегі әңгіме ретінде беріледі: екі әңгімесін де Әуезов өз атынан баяндап, кейін басты сюжетке негіз болған хикаяларға көшкенде, өзі сол хикаялардың тыңдармандары ішінен табылады.