Ерболат Әбікенұлының 2014 жылы жазылған «Министр» әңгімесі жанрлық жағынан алғанда сатиралық дүние. Бір ерекшелігі жас жазушы ащы сарказмнан гөрі жылы юморға бейім, сондықтан да болар, күрделі қоғамнан қағажу көріп, жалтақтап жүрген қарапайым жандардың ішкі шындығына, психологиясына терең үңіліп, үнемі жанашырлық танытып отыратын секілді көрінеді. Бос мақтан, құрғақ пафос емес, қазіргі қазақтың аяусыз, шынайы портреті көрініс тапқан.