ҚҰПИЯЛЫҚ САЯСАТЫ

ҚҰПИЯЛЫҚ САЯСАТЫ

«Қазақстанның ашық кітапханасы» порталы құпиялыққа мән береді және Сіздің дербес деректеріңіздің қауіпсіз болуына жағдай жасайды. Аталмыш құпиялық саясаты тек қана kitap.kz порталы арқылы жиналған ақпараттарға ғана жүреді. Бұл саясат басқа жолмен жиналған ақпараттарға (телефон, факс, дәстүрлі пошта арқылы) жүрмейді. Сіздің барлық дербес деректеріңіз Қазақстан Республикасының 2013 жылғы 21 мамырдағы №94-V Дербес деректер және оларды қорғау туралы заңымен қорғалатынын хабарлаймыз.

ҚОЛДАНУШЫНЫҢ АТЫ ЖӘНЕ ЖАЗБАЛАРЫ

Сіздің форумдар немесе қоғамдық талқылаулар жүргізуге арналған жерлерде жариялаған комментарийлеріңіз немесе өзге де ақпараттарыңыз қолданушыларға көрінетін болады және олар оны көшіріп ала алады. Сол себепті ақпаратты жарияламастан бұрын, бұл ақпараттың форумдарда Сіздің тұлғаңызды анықтау мақсатында қолданылуы мүмкін екендігін естен шығармауды сұраймыз.

МӘЛІМЕТТЕРДІҢ ШЕТЕЛДЕРДЕ ҚОЛДАНЫЛУЫНА КЕЛІСІМ БЕРУ

«Қазақстанның ашық кітапханасы» порталын қолдану және мәліметтерді беру арқылы Сіз Қолданушы келісімі мен Құпиялық саясатында көрсетілген мақсаттарда ақпараттардың жиналуына, қолданылуына, жариялануына, сақталуына саналы түрде келісім бересіз. Сіз осы Құпиялық саясатында көрсетілген шарттар аясында Дербес деректеріңіздің «Қазақстанның ашық кітапханасы» тарапынан жиналуына, қолданылуына, сақталуына, жария етілуіне, сондай-ақ, Дербес деректеріңіздің «Қазақстанның ашық кітапханасы» мен үшінші тараптардың, серіктестердің, еншілес компаниялардың арасында берілуіне келісім бересіз. Егер Сіз осы шарттарға қарсы болсаңыз, онда «Қазақстанның ашық кітапханасы» платформасын қолданбауыңызды және порталға тіркелмеуіңізді сұраймыз. Егер өзіңізге байланысты кейбір ақпараттармен бөліспесеңіз, Сіз қолданушы аккаунтын аша алмайсыз, ал біз Сізге қызмет көрсете алмаймыз.

ДЕРБЕС ДЕРЕКТЕР

Осы Құпиялық саясатында қолданылатын «Дербес деректер» деп порталды қолдану барысында бізге өзіңіз туралы беретін барлық ақпаратты айтамыз. Ондай ақпаратқа, атап айтсақ, тіркелу барысындағы ақпарат, портал арқылы транзакциялар жасау барысындағы мәліметтер жатады. Мысалы, Сіздің аты-жөніңіз, байланыс деректеріңіз, жынысыңыз, туған күніңіз, жұмысыңыз және жеке куәлік деректері секілді ақпарат (оқу орны, материалдарды қарау тарихы). Біз Сіз туралы мейлінше аз ақпарат жинауға мүдделіміз, алайда біз порталымыздың тиімді жұмыс істеуін қамтамасыз ету мақсатында заң шеңберінде ақпарат жинаймыз.

ЖИНАЛАТЫН АҚПАРАТТАР ЖӘНЕ ОЛАРДЫҢ ҚОЛДАНЫЛУЫ. БІЗ ОНЫ ҚАЛАЙ ҚОЛДАНАМЫЗ?

Біз порталға тіркелу барысында әрі бізге хат жазған кезде немесе қоғамдық форумдарға қатысқанда толтырылған дербес деректеріңізбен қатар, Сіз туралы ақпаратты және Дербес деректеріңізді жинаймыз. Сонымен бірге, біз порталдың қай беттерінің қаралғандығы, әр бетте қаралу реті мен уақыты, ол беттер қашан қаралды және қандай гиперсілтемелер мен батырмалар басылғандығы туралы мәліметтерді тіркейміз. Біз порталды қолданған кезде Сіздің IP-адресіңізді, операциялық жүйеңізді, қандай браузер қолданғаныңызды және IP-адресіңіз арқылы Интернет провайдеріңізді бен қай жерден Интернетке қосылып отырғаныңызды анықтай аламыз. Осы ақпаратты жинау үшін түрлі аналитикалық құралдар қолданылады. Кейбір ақпараттар кукилер (компьютеріңізде Сіз туралы ақпарат жинауға арналған кішігірім мәтін түріндегі файл және ол файлды сайттар көре алады) арқылы жиналады. Сіздің браузеріңізде кукилердің қолдану-қолданбауын қадағалай алуыңыз қажет. Браузерлердің көп бөлігі құралдар панеліндегі «Көмек» бөлігінде кукилерді баптауға мүмкіндік береді. Егер Сіз кукилерді бұғаттап тастасаңыз, онда порталдың көптеген функциялары мен жүйелері дұрыс жұмыс істемеуі мүмкін.

ҮШІНШІ ТАРАПТЫҢ АҚПАРАТТЫ ҚОЛДАНУЫ МЕН ЖАРИЯ ЕТУІ

«Қазақстанның ашық кітапханасы» және аталмыш жобаның әріптестері портал арқылы Сіз туралы жинақталған ақпаратты мынадай жағдайларда қолдануы мүмкін: Портал жұмысын дамыту мақсатында бізге көмектесу үшін; Сіздің порталға байланысты арнайы сұраныстарыңызға жауап беру үшін; Жиі оқылатын, танымал кітаптарды анықтау үшін; Жиі тыңдалатын аудиокітаптарды анықтау үшін; Дербес деректермен бөліскен немесе жария еткен жағдайда: (1) үшінші тарап Дербес деректерді құпия ұстауы қажет және сол ақпаратты жоғалтып алудан, теріс мақсатта қолданудан, рұқсаты жоқтарға беруден, өзгертуден, құртылудан қорғауға міндетті; (2) біз Дербес деректерді үшінші тарапқа тек көрсетілген жағдайларда ғана үшінші тараптың сұрауымен береміз. Айтылған қажеттіліктеріне сай және сұраған кезде ғана береміз.

ҚАУІПСІЗДІК

Құпиялық саясатын уақыт өте қайта қарап, өзгертіп отыратынымызды ескеруіңізді сұраймыз. Өзгерістер енгізілген жағдайда Құпиялық саясаты сілтемесінде «Жаңартылды» деген хабарлама тұрады. Бұл хабарлама өзгеріс енгізілген күннен бастап кемінде жеті (7) күн бойы сақталады. Өзгерістер енгізілгеннен кейін Порталды қолдансаңыз, бұл Cіздің Құпиялық саясатына енгізілген өзгерістерді қабылдайтындығыңызды білдіреді. Егер өзгерістер туралы хабарламаны байқамай қалуым мүмкін деп ойласаңыз, Құпиялық саясат бетіне белгілі бір уақыт сайын тұрақты түрде кіріп тұруыңызды сұраймыз.

ҚҰПИЯЛЫҚ САЯСАТЫН ӨЗГЕРТУ

«Қазақстанның ашық кітапханасының» дербес деректерді қорғауға арналған арнайы бағдарламасы бар. Сіздің мәліметтеріңізді құпия сақтау үшін көптеген процестен тұратын күрделі жүйе пайдаланылады. Алайда Интернет желісінде 100 пайыз қауіпсіздікті бере алатын ешқандай әдіс жоқ, сол себепті «Қазақстанның ашық кітапханасы» дербес деректердің абсолюттік қауіпсіздігіне кепілдік бере алмайды.

ӘРТҮРЛІ

Тоқтату құқықтары, Контентті қолдануды тоқтату. «Қазақстанның ашық кітапханасы» Сіздің порталды қолдануыңызды кез келген себеппен немесе ешқандай себепсіз ескерту жіберу арқылы тоқтата алуына келісесіз. «Қазақстанның ашық кітапханасы» жобасының саясаты бойынша авторлық құқықты қайта-қайта бұзған қолданушылардың аккаунттарын тоқтатып тастауға құқылы. «Қазақстанның ашық кітапханасы» өзінің платформасы арқылы ұсынылатын кітаптарды алып тастауға, форматын өзгертуге, порталдың бір бөлігін немесе тұтастай өшіріп тастауға құқылы және бұл әрекеттер үшін қолданушы алдында жауап беруге міндетті емес. Егер Сіз порталды қолданбаймын деп шешсеңіз, онда кез келген уақытта шығып кете аласыз. Осы Келісім аясында Сізге берілген құқықтар Сіздің порталды қолдануды тоқтатқан күннен бастап өз күшін жояды, алайда Келісімнің барлық шарттары өз күшінде қалады. Осы Келісім Қазақстан Республикасының заңдарына сәйкес жасалды және барлық түсініспеушіліктер Қазақстан Республикасының заңдарына сәйкес реттелетін болады.