«Қазақ лирикасы: көркемдік ізденістер және ұлт тәуелсіздігі» атты ғылыми еңбекте автор 1960-70 жылдардағы Қазақ лирикасы, Мұхтар Әуезов: «Жыл келгендей жаңалық сеземіз» деп бағаланған лирик ақындар Тұманбай Молдағалиев, Сағи Жиенбаев, Қадыр Мырзалиев, Жұмекен Нәжімеденов және де Мұқағали Мақатаев, Төлеген Айбергенов сынды ақындардың шығармашылығын зерттеп айналымға ендірген. Сонымен қатар Тәуелсіздік кезеңіндегі ақындардың лирикалары талданып, дәуіріне лайық ғылыми баға берілген. Кітапқа енген ғылыми еңбектердің бәрі дерлік кезінде ғылыми жинақтарда баспасөз беттерінде жарияланған зерттеу еңбектері. Зерттеу еңбегі әдебиеттанушы ғалымдар мен қазақ әдебиеті пәнінің мұғалімдеріне, сондай-ақ аспиранттар мен магистранттарға, гуманитарлық факультеттердің студенттеріне және де әдебиет сүйер көпшілік қауымға арналған ғылыми жинақ.