Шөмішбай Сариев
Шөмішбай Сариев
Ақын Шөмішбай Сариев Нағашыбайұлы – Қазақстанның еңбек сіңірген қайраткері, Франц Кафка атындағы Халықаралық Алтын Медаль сыйлығының, «Платина Тарлан» сыйлығының лауреаты. Ол 1946 жылы 15 сәуірде Қызылорда облысы, Арал ауданы, Шөміш станциясында туған. Қамбаш орта мектебін бітірісімен Қазалы аудандық «Ленин туы» және Арал аудандық «Толқын» газеттерінде қызмет атқарған. 1961 жылы алғашқы өлеңдері Қызылорда облыстық «Ленин жолы» газетінде жарияланған. 2000 жылы Бухаресте «ЮНЕСКО» ұйымдастырған Румынияның ұлы ақыны Михаил Эминескуге арналған бүкіл дүниежүзілік ақындарының бас қосқан симпозиумына Қазақстан және Орта Азиядан жалғыз қатысқан ақын. Шығармалары орыс, украина, қырғыз, өзбек, тәжік, румын, чех, үнді, француз тілдеріне аударылып жарияланды.
