Ерболдың өлеңінде қазақтың мұңы мен сыры, таусылмас сағыныш сазы бар. Сақи даланың тағдыры ақын көзқарасымен өлеңінде тамаша өрнек тапқан. Әсіресе Ербол жырларынан қазақы рухты ерекше сезінесің. Бұл оның ағаш керегелі, киіз туырлықты киелі шаңырақта туып, жусан иісі аңқыған керімсал кең далада бозторғайдың әнімен тербеліп өскендігінен болар...

Қойлыбай АСАНҰЛЫ.

Филология ғылымдарының докторы.

Мен үшін Ербол аға Бейілхан - қоңыр үнді ақын. Жарықтан түнек, түнектен жарық жасауға ұмтылмайды. Осынысының өзі – ерлік қой.. табандылық.. парасаттылық. Өлеңінің тілі - бай, шұрайлы. Өлең суретінің қазақы бояуы қанық. Ағамның өлеңдерін оқығанда кеудемде шертпе күй күмбірлейді, құлағыма бұлақтың сыңғыр дауысы келеді.

Салтанат СМАҒҰЛОВА, ақын.