Бекет Кітап
Бекет

Бекет

Бекет

«Бекет» – жазушы, драматург, ҚР Мемлекеттік сыйлығының иегері Дулат Исабековтің тұңғыш кітабы. Повесть және әңгімелер жинағы. 1966 жылы «Жазушы» баспасынан шыққан. Таралымы – 24 000 дана. Редакторы – Мағзум Сүндетов. Бағасы – 12 тиын. Көлемі – 100 бет.

Жас қаламгердің тырнақалды туындысына «тілі жатық, ойы оралымды» деген баға берілген. 
 

Автор естелігі
 

«Тұңғыш кітабымның қаламақысына үйлену тойымды өткіздім»
 

Дулат Исабеков: «Ол уақытта Мағзум Сүндетов «Жазушы» баспасында редактор болып жұмыс істейтін. «Замандастар» деген жинақтың құрастырушысы болды. Менің алғашқы «Жолда» деп аталатын әңгімем күтпеген жерден сол жинаққа еніп кетті. Жас жазушыларды қолдау жылы болып жатқан. Ол кезде студенттің әңгімесін жинаққа қосу деген жаңалық болатын. Бірден көзге түстім. Маған қанат бітіп, әңгімелерім бірінен соң бірі газет-журналдарға басыла бастады. Әсіресе, «Шойынбұлақ» деген әңгімем «Лениншіл жас» газетінің үш нөмеріне басылды. Оның миллиондаған тиражы бар. Ол газеттің үш санына шығу деген космосқа ұшумен пара-пар еді. Жазушы ретінде атым аталып, тіпті КазГУ-де менімен кездесу өткізді. 

Мұның бәрі мені қатты шабыттандырды. Тіпті демалыстарда ауылға бармай, жатақханада қалып, жазуға отырдым. Ал студенттер келіп, бос орын болмағанда кір жуатын бөлмеге көшіп барып, «Бекет» деген повесімді сонда отырып жаздым. Мағзум Сүндетовке көрсетіп едім, ол кісі қатты қуанып, басып шығарымыз деді. Осылайша 5-курстың көктемінде кітабы бар жазушы болып шыға келдім. 

Тұңғыш кітабымның таралымы 24 000 дана, қаламақысы 800 сом болды. Көп ақша. Қаламақыны алдым да үйлену тойын жасадым. Сол тойдың ас мәзірі әлі сақтаулы тұр. Сондай арзан болыпты. Тойды жалпы 450 сомға өткізіппін. Зейнолла Қабдола, Темірғали Нұртазин сынды ұстаздарымыз келді. Оқуын бітіріп кеткен Әбіш Кекілбаевтар да тойға қатысты. Өзім сыйласатын адамдардың бәрі дерлік жиналды. 

Алғашқы кітабыма сыншылар, жалпы әдеби орта жақсы лебізін білдірді. «Жұлдыз» журналына Сағат Әшімбаев мақала жазды. Жоғары баға беріпті. 

Ал ауылдастарым мен туыстарымнан «біздің ауылдан шығып, осындай кітап шығарып жатқаныңа қуаныштымыз» деген хаттар келіп жатты. Бір қызығы, олар кітаптың мазмұнына, сюжетіне мән бермеді». 

  • Сипаттамасы
  • Пікірлер

«Бекет» – жазушы, драматург, ҚР Мемлекеттік сыйлығының иегері Дулат Исабековтің тұңғыш кітабы. Повесть және әңгімелер жинағы. 1966 жылы «Жазушы» баспасынан шыққан. Таралымы – 24 000 дана. Редакторы – Мағзум Сүндетов. Бағасы – 12 тиын. Көлемі – 100 бет.

Жас қаламгердің тырнақалды туындысына «тілі жатық, ойы оралымды» деген баға берілген. 
 

Автор естелігі
 

«Тұңғыш кітабымның қаламақысына үйлену тойымды өткіздім»
 

Дулат Исабеков: «Ол уақытта Мағзум Сүндетов «Жазушы» баспасында редактор болып жұмыс істейтін. «Замандастар» деген жинақтың құрастырушысы болды. Менің алғашқы «Жолда» деп аталатын әңгімем күтпеген жерден сол жинаққа еніп кетті. Жас жазушыларды қолдау жылы болып жатқан. Ол кезде студенттің әңгімесін жинаққа қосу деген жаңалық болатын. Бірден көзге түстім. Маған қанат бітіп, әңгімелерім бірінен соң бірі газет-журналдарға басыла бастады. Әсіресе, «Шойынбұлақ» деген әңгімем «Лениншіл жас» газетінің үш нөмеріне басылды. Оның миллиондаған тиражы бар. Ол газеттің үш санына шығу деген космосқа ұшумен пара-пар еді. Жазушы ретінде атым аталып, тіпті КазГУ-де менімен кездесу өткізді. 

Мұның бәрі мені қатты шабыттандырды. Тіпті демалыстарда ауылға бармай, жатақханада қалып, жазуға отырдым. Ал студенттер келіп, бос орын болмағанда кір жуатын бөлмеге көшіп барып, «Бекет» деген повесімді сонда отырып жаздым. Мағзум Сүндетовке көрсетіп едім, ол кісі қатты қуанып, басып шығарымыз деді. Осылайша 5-курстың көктемінде кітабы бар жазушы болып шыға келдім. 

Тұңғыш кітабымның таралымы 24 000 дана, қаламақысы 800 сом болды. Көп ақша. Қаламақыны алдым да үйлену тойын жасадым. Сол тойдың ас мәзірі әлі сақтаулы тұр. Сондай арзан болыпты. Тойды жалпы 450 сомға өткізіппін. Зейнолла Қабдола, Темірғали Нұртазин сынды ұстаздарымыз келді. Оқуын бітіріп кеткен Әбіш Кекілбаевтар да тойға қатысты. Өзім сыйласатын адамдардың бәрі дерлік жиналды. 

Алғашқы кітабыма сыншылар, жалпы әдеби орта жақсы лебізін білдірді. «Жұлдыз» журналына Сағат Әшімбаев мақала жазды. Жоғары баға беріпті. 

Ал ауылдастарым мен туыстарымнан «біздің ауылдан шығып, осындай кітап шығарып жатқаныңа қуаныштымыз» деген хаттар келіп жатты. Бір қызығы, олар кітаптың мазмұнына, сюжетіне мән бермеді».