Астана оттары Кітап
Астана оттары

Астана оттары

Астана оттары

«Софы Сматаев Москвадағы болат институтын бітірген, қазір Қазақ ССР Ғылым академиясының металлургия институтында қызмет істейді. Республикалық газет-журналдарда оның өлеңдері жиі-жиі жарияланып тұрады. Жас ақынның бұл тұңғыш жинағына өз замандастарының ой-арманын, жан-сезімін бейнелейтін лирикалық өлеңдері енгізілді». Бұл – жазушы, драматург, халықаралық «Алаш» әдеби сыйлығының иегері Софы Сматаевтың тұңғыш кітабына жазылған аннотация.

 

 

 

 

Жинақ 1968 жылы «Жазушы» баспасынан шыққан. 
Редакторы – Сағи Жиенбаев. Таралымы – 8 500 дана. Бағасы – 22 тиын. Жалпы 72 беттен тұрады.

 

 

 

 

Автор естелігі

 

«Әкем бұл кітапты қалтасынан тастамай алып жүрді»

 

Бұл алғашқы жинақтағы Мәскеуде жүріп, 1-2 жыл жазған өлеңдерім ғой. 1965 жылы маусым айында Алматыға келіп, Жазушылар Одағына соқтым. Әбу Сәрсенбаев отыр екен. Не үшін келгенімді сұрады. Өлеңдерімді көрсетіп алу үшін келгенімді, асығыс екенімді айттым. Қайда оқитынымды сұрады. Металлургия саласында оқитынымды естігенде қатты таңғалды. 2 күннен кейін кел деді. Айтқан уақытында бардым. Біраз ақын-жазушы жиналып, менің өлеңдерімді талдады. Қуандық Шаңғытбаев та болды сол жерде. «Жазушы» баспасына ұсыну керек деді. Сол күні 2 баспа табақ шығатын қолжазбамды қалдырып кеттім. 2-3 айдан кейін Әбу Сәрсенбаев ағам хат жазды. Кітаптың келесі жылы шығатынын айтқан қуанышты хабарын жеткізді. Бір жыл күттім, жоқ. Одан кейінгі жылы да шықпады. 6 жыл өткен соң бір баспа табақ болып шықты. Неге екені белгісіз, жақсы өлеңдерім кірмей қалған. Кейбір өлеңдерімнің атауы өзгерген. Осы жағдайдан соң прозаға қарай ауысып кеттім. 

 

 

 

 

Тұңғыш кітаптың аты тұңғыш қой. Бірақ көңілім аса толмады. Өзім ойлағандай болмады... Десе де, мен үшін қуанғандар көп болды. 
Ол кезде біздің ауылда жазушы дегенді құдайдай көретін. Бәрі оқып, талқыға салып жатты. Әкем қалтасынан тастамай алып жүрді. Мақтанды елге. Кіп-кішкентай кітап қой, қалтасына сыйып кететін. Қонақ келсе, соларға көрсетеді. 
Ғафу Қайырбеков баяндамасында кітабыма жақсы пікір білдірді. Қаламақы жаман болмады. Оқу бітіріп, Алматыға келіп жатқан кезім ғой. Біраз дүние-мүлік алғам. Теледидар, диван, ас-үй жабдықтарын сатып алғаным есімде. Шығармашылық жолымда өзіндік орны бар жинақ болып қалады. 

  • Сипаттамасы
  • Пікірлер

«Софы Сматаев Москвадағы болат институтын бітірген, қазір Қазақ ССР Ғылым академиясының металлургия институтында қызмет істейді. Республикалық газет-журналдарда оның өлеңдері жиі-жиі жарияланып тұрады. Жас ақынның бұл тұңғыш жинағына өз замандастарының ой-арманын, жан-сезімін бейнелейтін лирикалық өлеңдері енгізілді». Бұл – жазушы, драматург, халықаралық «Алаш» әдеби сыйлығының иегері Софы Сматаевтың тұңғыш кітабына жазылған аннотация.

 

 

 

 

Жинақ 1968 жылы «Жазушы» баспасынан шыққан. 
Редакторы – Сағи Жиенбаев. Таралымы – 8 500 дана. Бағасы – 22 тиын. Жалпы 72 беттен тұрады.

 

 

 

 

Автор естелігі

 

«Әкем бұл кітапты қалтасынан тастамай алып жүрді»

 

Бұл алғашқы жинақтағы Мәскеуде жүріп, 1-2 жыл жазған өлеңдерім ғой. 1965 жылы маусым айында Алматыға келіп, Жазушылар Одағына соқтым. Әбу Сәрсенбаев отыр екен. Не үшін келгенімді сұрады. Өлеңдерімді көрсетіп алу үшін келгенімді, асығыс екенімді айттым. Қайда оқитынымды сұрады. Металлургия саласында оқитынымды естігенде қатты таңғалды. 2 күннен кейін кел деді. Айтқан уақытында бардым. Біраз ақын-жазушы жиналып, менің өлеңдерімді талдады. Қуандық Шаңғытбаев та болды сол жерде. «Жазушы» баспасына ұсыну керек деді. Сол күні 2 баспа табақ шығатын қолжазбамды қалдырып кеттім. 2-3 айдан кейін Әбу Сәрсенбаев ағам хат жазды. Кітаптың келесі жылы шығатынын айтқан қуанышты хабарын жеткізді. Бір жыл күттім, жоқ. Одан кейінгі жылы да шықпады. 6 жыл өткен соң бір баспа табақ болып шықты. Неге екені белгісіз, жақсы өлеңдерім кірмей қалған. Кейбір өлеңдерімнің атауы өзгерген. Осы жағдайдан соң прозаға қарай ауысып кеттім. 

 

 

 

 

Тұңғыш кітаптың аты тұңғыш қой. Бірақ көңілім аса толмады. Өзім ойлағандай болмады... Десе де, мен үшін қуанғандар көп болды. 
Ол кезде біздің ауылда жазушы дегенді құдайдай көретін. Бәрі оқып, талқыға салып жатты. Әкем қалтасынан тастамай алып жүрді. Мақтанды елге. Кіп-кішкентай кітап қой, қалтасына сыйып кететін. Қонақ келсе, соларға көрсетеді. 
Ғафу Қайырбеков баяндамасында кітабыма жақсы пікір білдірді. Қаламақы жаман болмады. Оқу бітіріп, Алматыға келіп жатқан кезім ғой. Біраз дүние-мүлік алғам. Теледидар, диван, ас-үй жабдықтарын сатып алғаным есімде. Шығармашылық жолымда өзіндік орны бар жинақ болып қалады.