Кеңес өкіметі орнап, қазақ даласы отарлық бұғаудың қыспағына түскен кезең туралы шындықты мейлінше ашып көрсеткен көркем шығарма. Тың және тыңайған жерлерді игеру деген желеумен қазақ даласының апыр-топырын шығарған уақыт. Халқымыздың ғасырлар бойы қалыптасқан тұрмыс-тіршілігін тізеге баса отырып өзгертіп, отарлаушы елдің тәртібіне бағындырған жылдар. Жер иесін тықсырып, өзін осы елдің қожайыны сезінген басқыншылар мен ел ішінен шыққан шолақ белсенділер... «Жапандағы жалғыз үй» осыны сипаттайды. Роман тақырыбымен ғана емес, формасымен де ерекше. Тілі шұрайлы да астарлы.