Сары өзен, Қызыл өзен, Қара өзен немесе Ханша-дария туралы әпсана Шыңғыс ханмен байланысты. Шығарма сезімнің алдында пенде баласы дәрменсіз екенін, тіпті, жарты әлемді жаулаған қаған да сезімге ерік бергенде ақылынан адасатынын көрсетеді. Гүрбелжіңдей айдай сұлу аруға есі кете ғашық болған ханның ішкі арпалысы, алай-дүлей көңілі барынша шынайы суреттеледі. Kitap.kz порталынан «Ханша-Дария» хикаясын оқып қана қоймай, шығарманың аудионұсқасын да тыңдауға болады.