«Сұлушаш» – Сәбит Мұқановтың 1928 жылы драмалық оқиғаға құрылған поэмасы. Поэмада қазақ ауылындағы әлдінің озбырлығы мен әлсіздің көрген қорлығы, әсіресе адамның бас бостандығының жоқтығы, яғни байдың кедейге үстемдік жасайтыны, екі жастың бір-біріне деген биік махаббаты суреттелген. Туындының бар оқиғасы Алтай мен Сұлушаштың төңірегіне құрылған. Яғни осы екі жастың сүйіспеншілігі, бір-біріне деген махаббаты жырланады.