Қымбат Досжан – диктор, тележүргізуші. Қызылорда қаласында туған. Т. Жүргенев атындағы Мемлекеттік театр және кино институтының «Театр» факультетін бітірген. Қазақстан Республикасы Журналистер Одағы сыйлығының лауреаты. Кітап оқуды, концерттік бағдарламалардың сценарийін жазуды ұнатады. Еліміздің асқар тауларын, жасыл желекті табиғатын, саф таза ауасын сүйеді. Халық әндерін сүйіп тыңдайтын Қымбат Досжан Құрманғазының «Сарыарқа», Түркештің «Көңілашар» күйлерін ұнатады. Сондай-ақ виолончельмен орындалатын кез келген классикалық шығармаларды сүйіп тыңдайды. Адамдардың бойындағы жауапкершілікті, кәсіби шеберлікті, ізгілікті бағалайды. Жалған сөйлейтіндерге жаны қас.