1. Жалпы ережелер

1.1. Осы Ереже «KITAP-тағы марафонның ең көп оқитын қатысушысы» байқауын (бұдан әрі – Байқау) өткізу тәртібін, қатысу шарттарын, жеңімпаздарды анықтау және жүлделерді тапсыру тәртібін айқындайды.

1.2. Байқауды ұйымдастырушы: «Bilim Group Ltd» ЖШС (БСН 141040020778), KITAP цифрлық кітапханасының (kitap.kz) құқық иеленушісі (бұдан әрі – Ұйымдастырушы).

1.3. Байқау «Кітап оқитын ұлт» кітап оқу марафоны аясында оның KITAP платформасында кітап оқитын қатысушылары арасында өткізіледі.

1.4. Байқаудың мақсаты: тұрақты кітап оқуға деген қызығушылықты қолдау және марафонның ең белсенді оқырмандарын атап өту.

1.5. Байқауға қатысу тегін. Қатысушы KITAP платформасында кітаптарды KITAP пайдаланушы келісіміне / жария офертасына сәйкес рәсімделген жазылым бойынша оқиды және тыңдайды. Жазылым ақысы KITAP кітапханасына қол жеткізу үшін төленеді, Байқауға қатысу ақысы болып табылмайды және Байқаудың өткізілуіне байланысты өзгермейді. Байқаудың жүлде қоры Ұйымдастырушының өз қаражаты есебінен қалыптастырылады. Байқау Қазақстан Республикасының заңнамасы мағынасында лотерея, құмар ойын немесе бәс тігу болып табылмайды: жеңімпаздар кездейсоқтық элементін қолданбай, осы Ереженің 5-бөлімінде белгіленген белсенділік көрсеткіштері бойынша анықталады.

1.6. Ереже okityn-ult.kitap.kz лендингінде және kitap.kz сайтында жарияланады.

2. Қатысушылар

2.1. «Кітап оқитын ұлт» марафонының okityn-ult.kitap.kz лендингінде тіркелген және KITAP-қа қолданыстағы жазылымы бар жеке тұлға Байқау қатысушысы болып саналады (бұдан әрі – Қатысушы). Байқауға қатысу үшін жеке өтінім берудің қажеті жоқ. Жүлде тапсырылғанға дейін жазылым ақысын қайтарып алған Қатысушы жүлдеге құқығынан айырылады.

2.2. 18 жасқа толмаған Қатысушылар ата-анасының немесе өзге заңды өкілінің келісімімен қатысады. Кәмелетке толмаған жеңімпазға жүлде заңды өкілі арқылы тапсырылады.

2.3. Ұйымдастырушының және «ABN SOLUTIONS» ЖШС-нің қызметкерлері, сондай-ақ олардың отбасы мүшелері Байқауға қатыспайды.

2.4. Бір адам бір есептік жазбамен қатысады. Бір адамның бірнеше есептік жазбасы анықталған жағдайда ең жоғары нәтижесі бар біреуі ғана есепке алынады.

3. Өткізу мерзімдері

Байқау бір кезеңде өтеді.

Аралық рейтинг, әдетте, апта сайын, дүйсенбі күндері жарияланады.

3.1. Белсенділік Астана уақыты бойынша есептеледі. Белсенді күндер 2026 жылғы 21 қыркүйектен бастап, оқу және тыңдау уақыты платформада оқу сессияларын есепке алу іске қосылған 2026 жылғы 21 қыркүйектен бастап есептеледі. 2026 жылғы 20 желтоқсан сағат 23:59-дан кейінгі белсенділік есепке алынбайды. 2026 жылғы 20 желтоқсан сағат 23:59-дан кейін жалғасқан сессияның уақыты тек осы сәтке дейін есептеледі.

3.2. Егер кідіріс жүлдені жеткізушіге немесе тасымалдаушыға, еңсерілмейтін күш мән-жайларына байланысты болса, сондай-ақ жүлде 7.4-тармаққа сәйкес келесі Қатысушыға берілген жағдайда, Ұйымдастырушы жүлделерді тапсыру мерзімін ұзартуға құқылы. Бұл туралы Ұйымдастырушы жеңімпаздарға хабарлайды.

4. Қатысу тәртібі және белсенділікті есепке алу

4.1. Қатысу үшін Қатысушы марафон лендингінде тіркелген есептік жазбамен KITAP платформасында электрондық кітаптарды оқу немесе аудиокітаптарды тыңдау жеткілікті.

4.2. Қатысушыға KITAP-та қолжетімді барлық кітаптар мен аудиокітаптар бойынша белсенділік есепке алынады.

4.3. Белсенділік KITAP платформасының деректері бойынша екі көрсеткіш бойынша автоматты түрде есепке алынады: электрондық кітаптарды оқу және аудиокітаптарды тыңдау уақыты және белсенді күндер саны, яғни Қатысушы кітап оқыған немесе тыңдаған күндер. Уақыт KITAP платформасы тіркейтін оқу сессиялары бойынша есептеледі. KITAP платформасының деректері көрсеткіштерді есептеудің жалғыз көзі болып табылады. Байқау аяқталғанға дейін платформаға берілмеген сессиялар (оның ішінде интернетке қосылмай оқыған кезде) есепке алынбайды. 2026 жылғы 16 қарашадан бастап Қатысушының оқу және тыңдау уақыты кемінде 5 минут болған күн белсенді күн болып саналады.

4.4. Ұйымдастырушы, әдетте, аптасына бір рет Байқаудың аралық рейтингін KITAP әлеуметтік желілерінде немесе okityn-ult.kitap.kz лендингінде жариялайды. Рейтингте Қатысушының аты, тегінің бірінші әрпі, kitap.kz платформасындағы ID нөмірі, белсенді күндер саны және оқу уақыты көрсетіледі.

4.5. Аралық рейтинг ақпараттық сипатта болады. Түпкілікті нәтижелер 5-бөлімде көрсетілген тексеруден кейін анықталады.

5. Жеңімпаздарды анықтау өлшемшарттары

5.1. Қатысушылар әр көрсеткіш бойынша жеке рейтингке орналастырылады. Рейтингтегі орын екі орынның орташа мәнімен анықталады: оқу және тыңдау уақыты бойынша және белсенді күндер саны бойынша. Аудиокітапты 1 минут тыңдау электрондық кітапты 1 минут оқуға теңестіріледі.

5.2. Егер қандай да бір аптада Қатысушының оқу және тыңдау уақыты орта есеппен бір белсенді күнге 240 минуттан (4 сағат) асса, Ұйымдастырушы мұндай белсенділікті 5.5-тармақта көрсетілген тәртіппен тексереді.

5.3. Мына жағдайлардағы белсенділік есепке алынбайды:

• бір есептік жазба бірнеше құрылғыда бір мезгілде ойнатылған кезде;
• апта бойы бірде-бір бет парақталмаған және кітаптар бойынша прогресс өспеген кезде (осы аптадағы оқу уақыты);
• беттер оқу кезінде мүмкін емес жылдамдықпен парақталған кезде;
• оқуды немесе тыңдауды имитациялайтын бағдарламалар мен скрипттер пайдаланылған кезде;
• нәтижені жасанды арттыру үшін құрылған есептік жазбалар пайдаланылған кезде;
• аудиокітаптар нақты тыңдалмай ойнатылған кезде, оның ішінде Ұйымдастырушының бағалауы бойынша үздіксіз көп сағат бойы ойнатылған кезде;
• көрсеткіштерді жасанды түрде арттыруға бағытталған өзге де әрекеттер жасалған кезде.

5.4. Орташа орын тең болған жағдайда рейтингте оқу және тыңдау уақыты көп Қатысушы жоғары тұрады, одан әрі тең болса белсенді күндер саны көп Қатысушы, содан кейін Байқау кезеңінде көбірек кітап оқыған немесе тыңдаған Қатысушы жоғары тұрады.

5.5. Қорытынды шығарар алдында Ұйымдастырушы жүлдеге үміткерлердің белсенділігін тексереді. Ұйымдастырушы үміткерден оқыған кітабы туралы қысқаша айтып беруді сұрауға құқылы. Бұзушылық расталған жағдайда Қатысушы Байқаудан шығарылады, ал жүлде рейтингтегі келесі Қатысушыға беріледі. Егер үміткер Ұйымдастырушының сұрауына 2 жұмыс күні ішінде жауап бермесе немесе тексеруден бас тартса, ол Байқаудан шығарылады.

5.6. Тексеру қорытындысы бойынша Ұйымдастырушының шешімі түпкілікті болып табылады.

5.7. Бұзушылық жүлде тапсырылғаннан кейін анықталса, Ұйымдастырушы жүлдені қайтаруды талап етуге, ал KITAP-қа бір жылдық жазылымды өшіруге құқылы.

6. Жүлде қоры және номинациялар

Байқауда 24 жүлде бар: 5 планшет, «Алиса» дауыстық көмекшісі бар 5 смарт-колонка және KITAP-қа 14 бір жылдық жазылым.

6.1. Бір Қатысушы тек бір жүлде алады.

6.2. Көрсетілген модель жеткізушілерде болмаған жағдайда Ұйымдастырушы жүлдені сипаттамалары мен құны бойынша ұқсас жүлдеге ауыстыруға құқылы.

6.3. Жүлделердің ақшалай баламасы төленбейді. Жүлде ақшалай өтемақыға немесе басқа сыйлыққа ауыстырылмайды.

6.4. Жүлделерге кепілдік міндеттемелерін өндіруші немесе сатушы көтереді.

6.5. 7 және 8-бөлімдерде жеңімпаз деп осы бөлімге сәйкес жүлдеге құқық алған кез келген Қатысушы түсініледі.

7. Қорытындыларды жариялау және жүлделерді тапсыру

7.1. Байқаудың алдын ала қорытындысы 2026 жылғы 21 желтоқсанда жарияланады, 5.5-тармақ бойынша тексеруден кейінгі түпкілікті қорытындысы 2026 жылғы 25 желтоқсаннан кешіктірілмей okityn-ult.kitap.kz лендингінде, kitap.kz сайтында және KITAP әлеуметтік желілерінде жарияланады.

7.2. Ұйымдастырушы түпкілікті қорытынды жарияланғаннан кейін 3 жұмыс күні ішінде жеңімпаздармен тіркелу кезінде көрсетілген телефон немесе электрондық пошта арқылы байланысады.

7.3. Хабарлама алған сәттен бастап 3 жұмыс күні ішінде жеңімпаз Ұйымдастырушыға мыналарды жібереді:

• тегі, аты, әкесінің аты (бар болса);
• ЖСН (салық агентінің міндеттерін орындау үшін);
• жеткізу мекенжайы және байланыс телефоны;
• жеке басын куәландыратын құжаттың деректері (нөмірі, берілген күні, кім берген);
• кәмелетке толмағандар үшін: заңды өкілінің деректері және оның жүлдені алуға келісімі.

7.4. Егер жеңімпаз 7.3-тармақта көрсетілген мерзімде жауап бермесе немесе деректерді ұсынбаса, ол жүлдеге құқығынан айырылады. Жүлде рейтингтегі келесі Қатысушыға беріледі. Келесі Қатысушыға оған хабарлама жіберілген сәттен бастап 7.2 және 7.3-тармақтарда көрсетілген мерзімдер беріледі.

7.5. Планшеттер мен колонкалар Қазақстан Республикасы бойынша Ұйымдастырушының есебінен «Қазпошта» АҚ арқылы жеңімпазға ең жақын пошта бөлімшесіне не, егер жеңімпаздың елді мекенінде мұндай жеткізу қолжетімді болса, курьерлік қызмет арқылы мекенжайға жеткізіледі. Тапсыру мерзімі: 2027 жылғы 20 қаңтарға дейін. Астанадағы жеңімпаздар жүлдені Ұйымдастырушының кеңсесінен алып кете алады. Жүлде қабылдау-беру актісі бойынша беріледі, ал пошта немесе курьер арқылы жеткізілген кезде тапсыруды тасымалдаушының тапсыру туралы құжаты растайды. Жүлдені алу кезінде жеңімпаз, ал кәмелетке толмаған жеңімпаз үшін оның заңды өкілі жеке басын куәландыратын құжатты көрсетеді және қабылдау-беру актісіне қол қояды. Егер жеңімпаз жүлдені пошта бөлімшесінде сақтау мерзімі ішінде алмаса, жүлде талап етілмеген болып саналады. Қазақстан Республикасында жеткізу мекенжайы жоқ жеңімпаз жүлдені Ұйымдастырушының Астанадағы кеңсесінен алады.

7.6. KITAP-қа бір жылдық жазылым 7.3-тармақта көрсетілген деректерді алғаннан кейін 5 жұмыс күні ішінде жеңімпаздың есептік жазбасына қосылады. Егер жеңімпаздың жазылымы әрекет етіп тұрса, оның мерзімі 12 айға ұзартылады.

8. Салық салу

8.1. Жүлденің құны Қазақстан Республикасының Салық кодексіне сәйкес жеңімпаздың табысы болып табылады.

8.2. Ұйымдастырушы салық агенті ретінде әрекет етеді: жүлде құнынан жеке табыс салығын өз қаражаты есебінен есептейді және төлейді.

8.3. Салық агентінің міндеттерін орындау үшін жеңімпаз ЖСН ұсынады (7.3-тармақ). ЖСН ұсынылмаса, жүлде тапсырылмайды.

9. Дербес деректер

9.1. Байқауға қатыса отырып, Қатысушы осы Ережемен келіседі және «Дербес деректер және оларды қорғау туралы» Қазақстан Республикасының Заңына сәйкес Байқауды өткізу мақсатында өзінің дербес деректерін өңдеуге келісім береді. Кәмелетке толмаған Қатысушы үшін келісімді оның заңды өкілі береді.

9.2. Ұйымдастырушы KITAP-тағы белсенділік деректерін, Қатысушының аты мен байланыс деректерін, ал жеңімпаздардың тегін, әкесінің атын, ЖСН-ін, жеткізу мекенжайын, жеке басын куәландыратын құжатының деректерін және заңды өкілінің деректерін тек рейтинг жүргізу, жеңімпаздармен байланысу, жүлделерді тапсыру және салық міндеттерін орындау үшін пайдаланады. Деректер Байқауды өткізуге және салық міндеттерін орындауға қажетті мерзім ішінде сақталады.

9.3. Ашық рейтингте және қорытындыда Қатысушының аты, тегінің бірінші әрпі, kitap.kz платформасындағы ID нөмірі, белсенді күндер саны және оқу уақыты жарияланады. Жеңімпаздардың фотосуреттері мен пікірлері тек олардың жеке келісімімен, ал кәмелетке толмағандардың фотосуреттері мен пікірлері заңды өкілінің келісімімен жарияланады.

9.4. Қатысушы info@kitap.kz мекенжайына жазып, келісімін кері қайтарып алуға құқылы. Бұл жағдайда Қатысушы Байқаудан шығады.

10. Қорытынды ережелер

10.1. Ұйымдастырушы жаңа редакциясын okityn-ult.kitap.kz лендингінде жариялай отырып, Ережені өзгертуге құқылы. Өзгерістер Байқаудың өткен кезеңі үшін Қатысушылардың жағдайын нашарлатпайды.

10.2. Ұйымдастырушы Қатысушы, оның байланыс операторы немесе құрылғысы тарапындағы техникалық ақаулар салдарынан қатысу мүмкін болмағаны үшін жауап бермейді.

10.3. Байқауға байланысты даулар келіссөздер жолымен, ал келісімге қол жеткізілмеген жағдайда Қазақстан Республикасының заңнамасында белгіленген тәртіппен шешіледі.

10.4. Ұйымдастырушы еңсерілмейтін күш мән-жайлары, белсенділікті есепке алуға әсер еткен платформаның техникалық ақаулары немесе жаппай бұзушылықтар кезінде Байқауды тоқтата тұруға немесе тоқтатуға, сондай-ақ техникалық қате анықталған кезде рейтингті түзетуге құқылы. Бұл туралы Ұйымдастырушы okityn-ult.kitap.kz лендингінде хабарлайды.

10.5. Байқау бойынша сұрақтар: info@kitap.kz, 8 (707) 599 5555.