Онлайн кітапхана
Жоба туралы
«Рухани жаңғыру» бағдарламасы аясында «Нұр Отан» партиясының бастамасымен партия және «Ұлттық аударма бюросы» қоғамдық қоры бірлесе отырып, «Қазақстанның ашық кітапханасы» жобасын дамытуды қолға алды. «Нұр Отан» партиясы іске асырып жатқан әлеуметтік маңызы бар басқа да бастамаларымен қатар «Қазақстанның ашық кітапханасын» (онлайн кітапхана) дамыту партиялық жоба мәртебесіне ие болды.
Жоба аясында алдағы бір жылда онлайн кітапхана қоры 2 000 электронды кітаппен толықпақшы. Алғашқы кезекте «Қазақстанның ашық кітапханасы» шеңберінде аймақтар кітапханасы құрылып, өлкетану, жергілікті мәдени-тарихи ескерткіштер туралы материалдар, жергілікті ақын-жазушылар мен ғалымдардың шығармалары жинақталып, цифрлы нұсқаға аударылады. Қазіргі онлайн кітапхана талаптарына сай үлгіде ұсынылады. «Қазақстанның ашық кітапханасын» дамыту жобасы «Нұр Отан» партиясының аймақтық филиалдарының қатысуымен іске аспақшы. Аймақтық филиалдар өлкетану тақырыбындағы кітаптар мен материалдарды жинақтап, оларды сандық форматқа өткізу жұмыстарын үйлестіреді.
