Серке Қожамқұлов, «Бер, Мырқымбай, қолыңды» Кітап
Серке Қожамқұлов, «Бер, Мырқымбай, қолыңды»

Серке Қожамқұлов, «Бер, Мырқымбай, қолыңды»

Серке Қожамқұлов, «Бер, Мырқымбай, қолыңды»

Серәлі Қожамқұлов (Серке, 1896–1979) – актер, ұлттық кәсіби театр өнерінің негізін салушылардың бірі. 1936 жылы Қазақстанның халық әртісі атағын иеленді. 1976 жылы Социалистік Еңбек Ері атағына ие болды. 1922 жылы М. Әуезовтің «Еңлік - Кебек» трагедиясында Еспембет рөлін ойнайды. 1925 жылы Қызылорда қаласында тұңғыш кәсіби Қазақ мемлекеттік драма театры ұйымдастырылғанда Қожамқұлов арнайы шақырылады. Театрда ол актер әрі режиссер қызметін атқарып, 1926–1932 жылдары Әуезовтің «Бәйбіше - тоқал», Майлиннің «Шаншар молда», «Ел мектебі», «Қалпе», Ө.Оспановтың «Сеңсең бөрік», Н.В. Гогольдің «Үйлену» пьесаларын қойды. Қожамқұловтың таңдаулы рөлдері қатарында Талтаңбай (Майлиннің «Талтаңбайдың тәртібінде», Яичница, Земляника (Гогольдің «Үйленуі» мен «Ревизорында»), Тымақбай, Қарабай, Қоңқай (Мүсіреповтің «Амангелдісінде«, «Қозы Көрпеш - Баян Сұлу мен», «Ақан сері - Ақтоқтысында»), Шахтер Тайман (Ә. Әбішевтің «Достық пен махаббатында»), Еспембет, Көбікті хан (Әуезовтің «Еңлік - Кебегі» мен «Қара қыпшақ Қобыландысында»), т.б. бар. Қожамқұлов 1930 жылдан киноға түскен. «Дала әнінде» Батырақтың (1930), «Амангелдіде» Бекет ұстаның (1938), «Ақ гүлде» қарт Жастардың (1942), «Абай әнінде» Баймағамбеттің (1945), «Алтын мүйізде» шопан Әділбектің (1948), «Алдар көседе» Бидің (1964), т.б. рөлін орындады. Қазақстан Жоғары Кеңесінің Құрмет грамоталарымен (1966), 3 рет Ленин ордені, Қазан Революциясы, Еңбек Қызыл Ту, 2-дәрежелі Отан соғысы, «Құрмет белгісі» ордендерімен, медальдармен марапатталған. Бұл – Қазақстанның ашық кітапханасы мен ҚР Ұлттық кітапханасының бірлескен жобасы. Кітапхананың Өнер бөлімінде ХХ ғасырдың басынан бері Қазақстанға қатысты жарық көрген грампластинкалар толық сақталған. Құнды аудиоматериалдар осы жоба аясында kitap.kz сайты арқылы оқырмандарға тұңғыш рет ұсынылып отыр. Грампластинканың толық мазмұны және ҚР Ұлттық кітапханасындағы каталогтік нөмірі төменде көрсетілген. Н/545 Творческие портреты мастеров Казахского театра Стихи и фрагменты из спектаклей 1 сторона Б. Майлин – Мусылмандык белгиси М. Ауэзов – Енлик-Кебек (Еспембет) Б. Майлин – Бер, Мыркымбай, колынды Пояснительный текст К. Куандыкова Читаеат З. Шарипова 2 сторона А. Токмагамбетов – Ертен егис Г. Мусрепов – Козы Корпеш-Баян Слу (Карабай) Ахан-Серэ – Актокты (Конкай) Джамбул – Ант. Еки дуние айкасты В. Шекспир – Асаунга тысау (Слай) М. Ауэзов – Каракыпшак Кобланды (Кобикти) К. Мухамеджанов – Болдирик борик астында (Бекен) На казахском языке