1934 жылы жер жүзінің халықтары Фирдоусидің туғанына 1000 жыл толғанын атап өтті. Міне, осы кезде «Шаһнаманы» қазақ тіліне аудару мәселесі көтерілді. Т. Жүргенов жолдас Тұрмағамбеттен: «Шаһнаманы» білесіз бе? Аудара алар ма едіңіз? – деп сұрағанында, сол бас қосуда мен де бар едім. Тұрмағамбеттің өзінше стилі бар, күшті ақын. Тіпті ойламаған жерден ұйқас тауып кетеді. Міне, осының бәрі «Шаһнама» сияқты ғаламат еңбекті қазақ тіліне келтіруге бірден-бір себін тигізді. Ө. ТҰРМАНЖАНОВ, 1960 жыл.