Тілеулес Құрманғалиев – белгілі дәстүрлі әнші. Кезінде «Серпер» тобында ән айтып, кейіннен жеке шығармашылығына ден қойған Тілеулес Құрманғалиев бүгінде ел арасында ұмыт бола бастаған бірқатар халық әндерімен талай халық композиторының әндерін жарыққа шығарды. Бұған қоса ол ұлттық музыкалық мұрамызды ғылыми тұрғыда талдап-зерттеу ісінде де өз қолтаңбасын айқындап, консерватория қабырғасында шәкірт тәрбиелеп келеді. Жетісу әншілік мектебінің сазды әуенімен көне мақамдарын жадына сіңіріп, көкейіне тоқып өскен талантты әнші.