«Атамекен»/«Земля отцов» көркем фильмі

Режиссері: Шәкен Айманов

Сценарийін жазған: Олжас Сүлейменов

Операторлар: М.Айманов

Композитор: Е.Рахмадиев

Қоюшы суретші: Қ.Қожықов

Шығарушы: «Қазақфильм» киностудиясы

Жыл: 1966

Актерлар: Е.Өмірзақов, М.Ахмадиев, В.Шевцов, Ю.Померанцев, Т.Котова

Жанры: драма

Фильмде соғыстан кейінгі халықтың жағдайы, қайғы-қасіреті баяндалады. Картинада Ленинград түбінде қайтыс болған баласының сүйегін іздеп тауып, атамекеніне әкеліп қойғысы келген қазақтың қарт адамы суреттеледі. Ол немересімен жолға шығады. Пойызбен ұзақ жол жүрген қарт немересі екеуі көп адамдармен кездеседі. Соғыс кезінде тас-талқан болып қираған даланы, ол жердегі еңбекшіл халықты көреді. Жаумен шайқаста Отанын қорғап мерт болған достарымен қатар жатқан ұлының қабірі қартқа үлкен ой салады, ойын өзгертеді, өзінің туып-өскен атамекенімен бірге үлкен жалпақ ел, Отан деген ұғым барын терең философиялық гуманистік тұрғыдан түсінеді. Еліне қайтқан қарт басқа көзқараспен оралады.

Фильм үздік режиссер шешімі үшін Халықаралық кинофестивальда (Майндағы Франкфурт, Германия) арнаулы дипломға, 1967 жылы Орта Азия республикалары мен Қазақстан кинофильмдері байқауында (Душанбе) "Тау хрусталі" сыйлығына ие болды.