Ғарифолла Құрманғалиев (1909–1993) – Республика мәдениетіне еңбек сіңірген қайраткер, әнші (тенор), Қазақ КСРхалық әртісі. Ұлы Мұхиттың шәкірттері Шынтас пен Шайқыдан дәріс алған. Ғарифолла Құрманғалиев Е. Брусиловскийдің «Ер Тарғын», «Айман-Шолпан», «Қыз Жібек», Мұқан Төлебаевтың «Біржан-Сара», А. Жұбанов пен Л. Хамидидің «Абай» операларында күрделі партиялар мен рөлдерді ойнайды. Оның кемеліне келтіре орындаған «Айнамкөз», «Үлкен айдай», «Ақ кербез», «Ісмет», «Боз жорға», «Он алты қыз» т.б. халық әндері жұртшылық көңілінен берік орын алды. Ол орындаушылық өнерімен қатар, өзі де көптеген әндер («Ақ Жайық», «Сүйген жар», «Нұржамал», «Жан еркем», «Аққу», «Сүйемін туған өлкемді») шығарған.