Бекболат Тілеуханның әндері Кітап
Бекболат Тілеуханның әндері

Бекболат Тілеуханның әндері

Бекболат Тілеуханның әндері

«Қазақ ән өнерінің көші қандай қуатты. Арғысын айтпағанда бертіндісі Жүсіпбек, Манарбек, Қали, Ғарифолланың мектебін ұстап қалған Жәнібек, Қайрат, Қажыбектердің деміне дем қосқан Бекболат, Сәулелердің өзінше өрнек салып, бөлек мінез танытуы ғанибет қой. Соның ішіндегі Бекболаттың бекзаттығы да бір төбе. Өнерге мінез керек. Сол мінезге Бекболат соншалықты бай болар ма?! Өнер өміршең болса ғана өрісін табады. Ұлттың руханият дүниесіне әркім өз жаңалығын ала келеді. Күні бүгінге дейін кешегі сал-серілер салып кеткен сара соқпақты әркім әрқалай жаңғыртса, Бекболат сол бір жылмиған жүйріктер мен жайсаңдарды тек әншілік тұрғыдан ашып қоймай, тым тереңдеп кетті. Әрқайсысынан тұлға жасауға талаптанды, жасады да. Егер XX ғасырдағы серілердің соңы Кенен болды деген белгілі пікірмен шектелсек, бүгінгі Бекболаттарға «қиянат» жасаған болар едік. Өнердегі озық дәстүр қай кезде де жалғасын тауып, өзінің қасиетті міндетін орындап отыруға тиісті. Демек, сал-серілік те әр заманның орайына қарай өзінің төлтума сипатын да жоғалтпауы қажет-ақ».

Қали Сәрсенбай