Үлкенбаева Айгүл Нариманқызы – күйші-домбырашы, Қазақстанның еңбек сіңірген артисі. Шығармашылық еңбек жолын оқып жүрген кезінен Қазақтың академиялық халық аспаптар оркестрі құрамында (1979–1989) домбырашы болумен бастаған Үлкенбаева соло-орындаушыға дейінгі үздік кәсіптік-шеберлік биігіне көтерілді. Оның күйшілік-орындаушылық репертуарынан халық күйлері, қазақтың халық композиторлары, осы заманғы композиторлар шығармалары мен орыс, шетел классикалық туындылары мол орын алған.