Антологияға  Жетісу  өңірі  бойынша  халық  шығармашылығындағы ерекше  орынға  ие  болатын,  ел  жүрегінен  орын тапқан,  басынан талай қиыншылықтарды өткізіп қынадай қырылса да, халық жадынан шықпаған шоқтығы биік халық туындылары енгізілді. Олар халық әні: «Ал, жаным-ай», «Асыл зат», «Ахау, керім», «Ой, қарағай», «Гүлдер-ай», «Дедімай-ау», «Дей, салдым-ай», «Қайран, заман», «Қоғалы-ай». Қазақ халқының өнер мұхитына жеке арна болып құйылған Жетісу өлкесінің әншілік мұрасы – көненің көзі, заманауи өнердің өзегі, болашақ ұрпақтың асыл діңгегі деп білеміз.