Қара өлең аталатын үлгілер – халықтық ән өнерінің ішінде қомақты орын алатын жанр. Құрылымы он бір буыннан тұрады. Әнге салып айтуға ыңғайлы, шумақтың үш жолы ұйқасып, бір жолы бос қалып отырады. «Қара өлең» философиядан бастап, әзіл-оспаққа дейінгі аралықтағы тақырыптың барлығын қамтиды. Ғылыми тұрғыдан зерттеу нәтижесі олардың ғұрыптық,тұрмыстық жанрлар мен ауызша кәсіби халық композиторларының шығармашылығының қалыптасып, дамуы барысында үлкен рөл атқарғандығын дәлелдейді.