Қазақстанның батыс аймағында «Ақ Айша», «Он алты қыз», «Ақ ерке», «Шымыр», «Бозбала», «Доссорда шәй құяды Гүлжан, Сара» сынды әндер халық арасында кең таралған. Әншілік өнердің кейінгі уақыттарда шартты түрде жіктеліп айтылып жүрген мектептері Мұхит сал мен Маңғыстау композиторлары – Өскенбай, Тұрсын, Әділ, Досат, Жылгелді, Тастемір, Шолтаманның ән айту дәстүрі және осы екеуінің ортасында өзгеше өрнегімен қалыптасқан Жылыой өңіріндегі Сақыптың, Бораштың, Артықбайдың туындылары қосылып еліміздің батысындағы бұла өнерді таныстырады.