Мұхтар Омарханұлы Әуезов шығармаларының елу томдық академиялық толық басылымының 38-томына 1959-60 жылдарда жазылған «О труде многолетнем и вдохновенном», «Народный «Бустан», «60-летие академика Каныша Сатпаева», «Братство наших литератур», «Әдебиетіміздің туысқандығы», «Как я работал над романами «Абай» и «Путь Абая», «Қазақтың халық жұмбақтары», «Искренное большое сорадование» атты мақалалары, «Оңтүстік сапарынан», «Шаяндағы шешен Керекең», «Америка әсерлері» очеркі, «Америка сапары» жолжазбасы мен қырғыздың батырлық эпосы «Манас» жырына қатысты бұрын жарияланбаған «Манас» – киргизская героическая поэма» атты зерттеушілік жұмысы «Әуезов үйі» ҒМО қолжазба қорынан алынып тұңғыш рет жарияланып отыр. Кітап ғылыми жұртшылыққа, қалың оқырман қауымға арналған.