Мұхтар Омарханұлы Әуезов шығармаларының елу томдық академиялық толық басылымының 10-томына 1932-1936 жылдар аралығында жазылған әңгімелері, очерктері, мақалалары, зерттеулері, аудармалары, «Манас» эпосына қатысты монографиясы еніп отыр. Бұлардың қатарында сол жылдардағы қазақ әдебиеті мен мәдениетінің мәселелеріне арналған «Абай ақындығының айналасы», «Қалмақаннан не тілер едік», «Социалды Қазақстанның» басқармасына ашық хат», «Қазақстанның көркем өнері», «Абай – казахский классик», «Ақ аю туралы», «Пушкинді қазақшаға аудару тәжірибелері туралы», «Ценные памятники киргизского и казахского фольклора», «Казахский эпос – на службу социалистической культуре», «Тас түлек», «Іздер», «Шатқалаң», «Баймұқамбетұлы жолдас», «Товарищ Жанай» очерктері мен «Қорқыныш», «Қасқыр» аудармалары және ғылыми түсініктер қамтылған. Кітап ғылыми жұртшылыққа, қалың оқырман қауымға арналған.