Бұл кітап –  бүгінгі өмірдің өзі. Қаламгердің жаңаша стильде жазған әңгімелері оқырманды бей-жай қалдырмасы анық, философиялық түйіндерге негізделген осы жинақта автор адамның ішкі рух әлеміне сүңгиді, шығармалардың сюжеті тартымды тілмен, кестелі оймен әдемі өрнектелген.

Рухани құндылықтардың биік шыңын бағындырған және ит тірлікте ырылдасып, дүние қызығына батқан кейіпкерлер қатар суреттеледі.

Адам аңсаған нәрсесіне қолы жетіп, зәулім үй салып, қымбат көлік мінсе де, француз иіссуын себініп, италян костюмін кисе де бірдеме кем болып тұрады; әлемнің ең әсем жерлерінде демалса да одан қатты шаршап оралады, сөйтіп ол әлденені іздеуін, аңсауын тоқтатпайды, ол не нәрсе? Мұның жауабын жазушы қаламының жемісінен табасыз. Кітаптың тілі шұрайлы, ойы орамды, айтары анық, оқуға жеңіл.

Кітап жалпы оқырман қауымға арналған.