ҚР халық әртісі - Бекбосын Қажыбек Құдайбергенұлы 1946 жылдың 19-шы мамыр айында Талдықорған облысы Қапал ауданы, Қоңыр ауылы, Ұзынбұлақ бөлімшесінде дүниеге келген. Ғ.Орманов атындағы 11-жылдық мектепті бітіріп, Алматыдағы Эстрада және цирк өнері студиясында ҚАЗССР Халық әртісі Ғарифолла Құрманғалиевтің Халық әні класына оқуға түсті.    Бітіргеннен кейін Мемлекеттік «Қазақконцерт» бірлестігінде әнші-домбырашы болып қызмет атқарған. 1996 жылдан Қазақ ұлт аспаптар оркестрінің әншісі болды. Қажыбек Бекбосын соңғы жылдары Қ.А.Ясауи атындағы ХҚТУ-інде жас білімгерлерге дәріс беруде.Мұхит, Ақан сері, Біржан, Әсет, Жаяу Мұса, Кенен Әзірбаев, Естай әндерін орындайды.