«Ұлан-байтақ Қазақ елінің ары мен ұжданы, бостандығы мен тәуелсіздігі үшін күрескен, момын шаруаның мүддесін қорғаған, халықтардың достығы мен туысқандығын жырлаған азамат ақын Сүйінбайдың импровизаторлық күші – оның халықтық сипатында. Ол қарапайым еңбекші халықтың арасынан шықты, бар ғұмырын, ақындық өнерін соларға арнады. Сүйінбай еш уақытта шындықтың шолпан жұлдызынан жаңылмаған, елінің мұң-мүддесін ұмытпаған, жыласа жұбатқан, жасыса қайрат берген. Сүйінбайдың ғажап ақындық бейнесі көл бетінде жүзіп жүрген таудың суретіндей мәңгілік сақталады. Сөзден соғылған Сүйінбай сағанасы ғасырлар бойы асқақтап тұра бермек». Сұлтанғали Садырбаев