Бұл – ерте заманда өмір сүрген, қобыз аспабын жасап шығарған атақты адам. Қорқыттың 20 музыкалық шығармасы белгілі. Бүгінгі күнге дейін, олардың 11-і ғана жеткен. 

Қорқыт ата VIII-IX ғасырларда Сырдария өзенінің бойында дүниеге келген. Ол туылмас бұрын, далада қатты дауыл басталып, найзағай жарқылдап, жерді қараңғылық басқан. Бірақ, сәби дүниеге келген соң, күн сәулесі түсіп, табиғат қайтадан тынышталды. Адамдар: «Бұл бала барлығымызды қатты қорқытты, сондықтан оның есімін Қорқыт деп қояйық» деп шешті.