Алпамыс Файзолла 1995 жылы 6 наурызда Орал қаласында туған. 2012 жылы туған жеріндегі С. Сейфуллин атындағы №11 мектепті бітірген соң, 2012-2016 жылдарда әл-Фараби атындағы Қазақ Ұлттық университетінің журналистика факультетінде жоғары білім алды. 2016-2018 жылдарда Л. Гумилев атындағы Еуразия ұлттық университетінің филология факультетінде магистратурада оқыды. Жас ақын республикалық әдеби байқаулардың жүлдегері.

Қазіргі қазақ әдебиетіне жанашыр жастар көп. Соның бірі – Алпамыс Файзолла. Жас қаламгер өлеңнің құрылысын, дыбыс үндестігін, ырғағын жақсы меңгерген. Тілі шұрайлы, қолданатын өрнегі мен мазмұны да өзгеше. Жастыққа тән лирика ғана емес, оқырманды парасаттылыққа тәрбиелейтін өлеңдері де бар.