Су туралы жазылған әлемдегі ең үздік кітаптардың бірі, New York Times бестселлері. 20 тілге аударылған нұсқасы елу шақты елге тарап, бір демде сатылып кеткен. Жыл өткен сайын су тапшылығы әлем халқының алқымынан алып барады. Осындай шешуші кезеңде қоршаған ортаны қорғаушылар, саясаткерлер, су мамандары мен жаһандық мәселеге бей-жай қарамайтындардың бәрі осы кітапты оқуға тиіс. Тілі жеңіл әрі дүниежүзіндегі су тапшылығын сараптап, жүйелеген еңбек су мәселесімен қатар, Израиль тарихынан да сыр шертеді. Жерінің жартысынан көбі шөл екеніне қарамастан, өз еліндегі су мәселесін шешіп қана қоймай, көршілеріне су сатып отырған Израиль тақыр жерді қалай шұратқа айналдырғаны, су технологиясын қалай дамытқаны туралы жұрт біле бермейтін көптеген тың дүниені табасыз.