Балалық пейіл, аңғал да кіршіксіз көңілді анық байқататын «Қылау» әңгімесі қазақ балалар әдебиетіндегі шоқтығы биік шығармалардың бірі. Жазушы шағын әңгіме арқылы ауыл тынысын, адамдардың өзара қарым-қатынасын, қарапайым ауыл баласының ойын, қиялын дәл беріп, достыққа беріктігі мен намысқойлығын көрсетіп, кіршіксіз тазалығын пейзажбен шебер үйлестіре білген. Тілге жеңіл, жүрекке жылы тиетін әңгіменің кез келген оқырманды баурап алары сөзсіз.