М.Әуезов туындылары әлемдік әдебиеттің айдынына мөлдір бұлақ болып кұйылып, күллі адамзатқа ортақ рухани қазынаға айналды. Әсіресе әйел тақырыбы әлі күнге дейін өзектілігін жойған жоқ. Бұл жөнінде Р.Бердібаев: «М.Әуезовтің 20-жылдардағы шығармаларындағы негізгі тақырыптың бірі – әйел теңдігі», – деп көрсетеді. Сөйтіп, бұл шығармалардың «Үйлену», «Ескілік көлеңкесінде», «Қаралы сұлу» т.б. жатады деп атап көрсетеді. «Үйлену» шығармасында әке әміріне көнбей, көңіл сүйген жігітімен қашып кеткен қыз хикаясы сөз болады.