Бұл кітаптан Uber, Яндекс Такси, Didi және басқа да таксиге тапсырыс беру сервисінің жаһандық бәсекелесі – inDriver компаниясының ерекше тарихын оқисыз. 2012 жылы Сібірдің шалғай түкпірінде әлеуметтік желідегі топ ретінде басталған inDriver бірнеше жылдан кейін әлемнің ондаған елінің қалаларын қамтып, жүздеген миллион доллармен бағаланатын дәрежеге жетті. Компанияның негізін қалаушы әрі бас директоры Арсен Томский өзінің өмір жолын шола қарап, жатық әрі тартымды әдіппен әңгімелеу арқылы ұйымшыл да ынталы команданың күшімен халықаралық компания құрудың нақты тәсілдері мен құпияларын ортаға салады. Бұл кітапты не үшін оқу керек? Бүкіл әлем бойынша миллиондаған адамның өміріне жақсы әсер еткен, Сібір қойнауынан шыққан команданың қызықты, шынайы жүріп өткен жолы сізді шабыттандырары сөзсіз. Оған қоса, ішкі кедергілерді жеңу және үнемі алға жылжу, әлемді өзгертуге деген ұмтылысыңызды арттыра түседі. Кітап фрилансерлер мен кәсіпкерлерге, бағдарламалаушылар мен жетістікке ұмтылған барлық оқырман қауымға арналған.