Бұл – қызыққа толы, кейде көзіңе жас келтіріп, кейде жүрегіңді елжірететін, балаларға арналған роман. Мейірімге сусап жүрген ересектер де оқыса артық болмайды. «Ғажайып» – 10 жастағы Оггидің оқиғасы. Ол басқа балалар сияқты кәдімгі істермен айналысады. Балмұздақ жейді, доп тебеді. Өзін кәдімгі балаша сезінеді. Бірақ оның түрі өзгелерге ұқсамайды. Небәрі он жаста болса да бетіне 27 рет операция жасалған. Сол себепті бесінші сыныпқа дейін мектепке бара алмаған. Ол енді жаңа мектепке барады. Ал оны сыныптастары қалай қабылдайды? Ол дос таба ала ма? Оггиге түрлі сынақтардан өтуге не көмектеседі? Әрине, оның мейірімге толы жүрегі! Р.Ж.Паласионың «Ғажайып» заманауи классикасын оқып, түрлі сезімді бастан өткересіз. Әр жаңа бетті ашқан сайын жаңа кейіпкермен танысасыз. Бұрынғыдан да қатты мейірімді болуды үйренесіз. Себебі, олар сізге «мейірім мен әділеттің бірін таңдау керек болса, мейірімді таңдаңыз» дейді. Түрлі жүлделер мен марапаттар алған «Ғажайып» бестселлері тұңғыш рет қазақ тілінде дыбысталды.