"Даңқың қайда төске өрлеген? Екi жүз мың әскерменен Алты ай бойы кiп-кiшкентай Отырарды ала алмау, Алты ай бойы Отырардың осал тұсын таба алмау – Ойы – дауыл, сезiмi – аспан, Тек жеңiспен көзiн ашқан Менiң алғыр ұрпағымның сүйегiне зор таңба, Намысыма сызат түстi мына сенiң арқаңда", – деп Шыңғыс хан Шағатайға оқты көзiн қадады. Мектеп бағдарламасына енген, үзіндісін бәріміз жаттаған әйгілі «Отырар қаһармандығы немесе жеңілген жеңімпаз туралы дастан» көркемсуретті фильмдей оқиғаны көз алдыңа елестетеді. Суреттеу де, оқиғаны баяндау да, кейіпкерлердің мінез-құлқын аша білу де ғажап.