Жетім қонжық

Шығарманың желісі Тоқтасын мен Қойсынның отбасы орманнан тауып алған жетім аю қонжығының тағдыры төңірегінде өрбиді. Оған Құралай деп ат қойып, үйдің кіші ұлы Секентай оны ешкі сүтімен асырап, табиғат аясында өмір сүруге баулиды. Қонжықтың адамдармен және үй жануарларымен достығы суреттелетін бұл туындыда балалардың тәрбиесі мен отбасылық құндылықтар қатар өрілген. Жазушы жас оқырмандарды қоршаған ортаның құпияларын танып-білуге, табиғатты аялауға және мейірімділікке тәрбиелейді. Күз келгенде, өсіп жетілген Құралайды еркіндікке — өзінің туған мекені орманға апарып қалдырады.