Үркер

«Үркер» – Әбіш Кекілбаевтың тағы бір кесек туындысы саналатын «Елең-алаң» романымен үндес шығарма. Мұның да басты кейіпкері – Әбірқайыр хан. Шығармада кіші жүз руларының Ресей империясына қосылғаннан кейінгі тыныс-тіршілігі суреттеледі. Романның бөлім атауларының өзі ерекше: «Тығырық», «Елшілік», «Арбасу» және «Айқас». «Үркерді» қазақтың ел мен жер үшін болған күресінің айнасы деуге болады. Көркем шығарма болғанымен, тарихи шындыққа жақын, кейіпкерлері де өмірден алынған туындының берер мағлұматы мол.