Қозы Көрпеш

Сарыбай мен Қарабайдың аңға шығуынан басталып, құда болмаққа бекінуі бізге бала күннен таныс. Сарыбайдың қатыны ұл тауып, Қарабай қызды болады. Сәкен Сейфуллиннің нұсқасында Сарыбай «сүйіншіге ат берген жалғызының игілігін көрмей-ақ өлді» дейді. Қарабай сертті бұзып, жетім жігітке қызын беруден айнып қалады. Сөйтіп елі мен жерін тастай қашқанда малы қырылып, елі шөлге ұрынып, ақыры құдық қазып бергені үшін ғана Ақ Баянды құл Қодарға қия салады. Қозы Баянына қол жеткізбекке бекінгенмен, қос ғашықты мехнат күтіп тұр еді.