Қиял-ғажайып ертегілер

<p style="text-align: justify;">Қиял-ғажайып ертегілердің шығу мезгілі &ndash; алғашқы қауымдық қоғам дәуірі. Байырғы таным, түсінік, ұғым, наным-сенімдер айқын байқалатын ертегінің бұл түрінде ертедегі халықтың тұрмысы, салты, өмірі айқын бейнеленеді. Мұндағы тартыстар, болмыс көріністері, адамдардың қарым-қатынасы &ndash; бәрі халықтың эстетикалық рухында баяндалады. Табиғаттың дүлей апаттарына қарсы тұрып, өмір үшін жауыз күштермен, құбыжық, тажалдармен алысатын негізгі қаһармандар, әділдіктің жеңіске жетіп, зұлымдықтың әшкереленуі &ndash; халықтың идеалынан туған асқақ мұратты білдіреді. Қиял-ғажайып ертегілер сырлы да құпия әлемге жетелеп қана қоймай, оқушысының қиялын дамытуға, тілін шұрайландырып, ойын дамытуға ықпал етіп, ізгілікке, бауырмалдық пен адамгершілікке, тапқыр да батыл болуға баулиды.</p>