Тұманбай Молдағалиевтің өлеңдері

Сөз өнерін нағыз тәрбие құралы деп білген, шығармашылық өмірінде туған еліне өлең сөзімен қызмет қылған, туындылары халықтың ізгі арманымен астасып жатқан ақын Тұманбай Молдағалиев шығармаларының негізгі тақырыбы –адамгершілік мұрат. Сондай-ақ сыры шынайы адамдық қылықтарға, жасқа лайық сезім шыншылдығына, терең ойға құрылған ақын үміт, күйініш, сүйініш, өкініш т.б. сезім күйлерін тебіреніспен өлеңге айналдыра білген. Тұманбай – сыршыл ақын. Оны табиғат туралы жырларынан да байқауға болады. Оның өлеңдерінде табиғат шаттанып, күйзеліп, мұңайып, ойланып тұрғандай.