Іздер

Мұхтар Әуезовтің «Іздер» әңгімесі колхоз өмірін, ауылдың алдыңғы қатарлы адамдардың саналы тәртіп, сапалы еңбек үшін күресін сипаттайды. Бұл әңгіменің өзіндік соны өрнектері жетерлік. Ең алдымен, мұнда кеңестік қоғамның үлгілі адамдарының жанды да тартымды бейнелері жасалған. Автор «Шақпақ» колхозының шопаны Несіпбай мен колхоз бастығы Құлжатайдың образы арқылы колхоз байлығын көздің қарашығындай сақтау үшін дамылсыз әрекет ету, қоғамдық істерге берілу, жарғақ құлағы жастыққа тимей қызмет ету, жауапкершілік, адалдық мәселелерін жақсы жеткізген.