Күреңжорға

Жинаққа енген «Күреңжорға» мен «Бәйге Ала-аяқтың өлімі» атты хикаяттарда жорға жарысы мен бәйгеде алдарына қара салмаған қос тұлпардың қилы тағдыры баяндалады. Жазушы жануарлардың өмірі арқылы олар тіршілік еткен кезеңдердегі қоғамдық ортаның сыр-сипаты мен әлеуметтік шындығын шебер ашады. Ал «Ұры айғыр» әңгімесінде адамның малға жасаған қысастық әрекеттері сынға алынса, кейінгі шығармаларда адам бойындағы сан түрлі психологиялық күйлер мен құндылықтар безбенге түседі. Кітап мектеп оқушылары мен жалпы әдебиет сүйер қауымды тектілікті қадірлеуге, жанашырлыққа және адамгершілікке тәрбиелейді.