Құламерген

Ескі заманнан ауызша айтылып, ауызша тарап бізге жеткен тұрмыс-салт ертегілерінде соңғы кезге дейінгі халық тұрмысының әр алуан қыры, дүниетанымы, көзқарасы, арман-мүддесі қоспасыз, бояусыз, таза қалпында бейнеленеді. Әр дәуір жағдайларына қарай өзгертіп, шыңдалып жетілдіріліп отырған тұрмыс-салт ертегілерінің оқиғасы шынайы өмірден алынады. Бұл ертегілерде халықтың ғасырлар бойғы өмір тәжірибесі, үлгі боларлық түйіні айтылып, оқырманына тәлімдік ой түйгізеді.